Kaash

kaash mein tumhe utna chaah sakta..

jitna mein tumhe chaahna chaahta hun..

kaash mein tumhe utna paa sakta..

jitna mein tumhe paana chaahta hun..

kaash mein tumhe utna soch sakta..

jitna mein tumhe sochna chaahta hun..

chahne, paane aur sochne ki seema

mein bahut pehle hi paar kar chuka hun

sirf yeh janm hi nahi..

aane wale saare janm.. mein tumhare naam kar chuka hun

jitna insaan ke bas mein ho

usse kahin jyada mein tumhe pyaar kar chuka hun.

shayar kabhi office nahi jaate..

shayar kabhi office nahi jaate..
gar jaate to friday per sher likhte ghazal sunate
weekend ki taarif mein rehte itne mashghool..
Jamal - e- mehbooba tak bhool jaate..
afsos... shayar kabhi office nahi jaate...

World Cup poem

josh hai junoon hai
daud raha ragon mein jo
hindustani wo khoon hai..

garmiyaan hai saanson mein
dilon mein aaj aag hai
bhujhegi sirf jeet se
lagi jo aaj pyaas hai..

thaan lo khiladi tum
dil mein iss baat ko

girna padna, fir uth jana
kabhi jo teri maat ho
aage bhadnaa muskuraate
seh kar har ghaat ko
khelna wo khel ki
har taraf teri-teri baat ho

ho aas tum desh ki
desh ki tum aan ho
ek ki anek ki
har ek ki tum jaan ho

khud ko samjhna na kam
tum na koi aam ho
khel ke maidan mein
tum sher-e-hindustan ho

galat gumaan na kar meri khushk aankhon ka

galat gumaan na kar meri khushk aankhon ka..
in aankhon ne sailaab kai dekhen hain..

maasum armaano ki mautien dekhi hai
khoobsurat sapno ko tut ta dekha hai..
gairon ki ruswai dekhi hai..
apno per bharosa tut ta dekha hai..
itna roya hun mein ki..
khud apni aankho ko sukhta dekha hai..

galat gumaan na kar meri khushk aankhon ka..
in aankhon ne sailaab kai dekhen hain..

Kalyug mein jo janmte raam

Treta yug mein janme raam

Sakal kiye bade unche kaam

Teeno lok mein tumhare naam

Hey Raam tumko mera sat-sat pranaam

Raja ke ghar janme they

Raja ke ghar khele they

Aur kahu kya mein tumse raam

That tumhare albele they

DIRECT tumhara ADMISSION tha

Tab CORRUPTION than a INFLATION tha

JOB tumhari pakki thi

Kismat mein Raja ki gaddi thi!!

Magar kalyug mein jo janmte raam

Hote Dashrath aadmi jo aam

Katai na paate wo aisho aaram

Tumhe bhi hote TENSION tamam

Kisi tarah to ADMISSION hota

Roz ka do ghante COMMUTATION hota

CLASS mein itna COMPETITION hota

Baal umar mein hi DEPRESSION hota

COLLEGE se nikalte to JOB na lagti

JOB jo lagti to HIKE na milti

CLIENT tumhara sar khapata

INFLATION dekh matha chakrata

Uss yug mein thi REAL ESTATE sasti

Iss yug mein magar hai haalat khasti

Tab to tumhare mahal they nyare

Abb dekho iss yug ke tante tum pyare

Aadhi umr DOWNPAYMENT mei lagti

Baaki aadhi EMI chukate kat ti

Neend, chain sab fikr mei udtey

Aur 2-BHK k naam bas ek kutiya milti..

Uss yug mein to sirf ek tha raavan

Chalaya baan, kiya sanghar

Iss yug mein hai raavan hazaar

Aur har raavan ke hai chehre hazaar

Jo dam ho tum mei mere raam

Kalyug mei fir janmo aaj

Kitne hain dekho raavan aaj

Uthao baan, karo sanghar

Jamal-e-yaar

to kya hua jo yaar na mila..

humne socha zindgi kaatne ke liye bahut hai tasveer yaar ki..

phoolon se li rangat, taaro se maangi roshni..

magar Jamal-e-yaar dekho.. fir bhi na ban saki tasveer yaar ki

Jamal-e-yaar = beauty of yaar